top of page
搜尋
  • VERDEE Bamboo

竹地板表面保護油漆處理

今日講吓竹地板嘅表面油漆處理 呢個話題久唔久都會講吓,因為唔係呢行又唔熟竹地板嘅朋友,唔識是正常的

一般嚟講竹地板嘅表面油漆有兩種嘅處理方法:


1. 最普遍又最多人用嘅 - UV型油漆 ( UV Coating)

UV型油漆,係用紫外線燈管固化嘅油漆,喺油漆線上分別做8層油,每一層薄薄而透明覆蓋表面,竹地板嘅紋理同天然顏色嘅清晰可見。 採用UV型嘅油漆,可以提供額外嘅硬度,更加容易護理,耐刮耐磨(金屬及尖銳物件一定會刮得花的,必須注意)、亦都提高左表面嘅耐水性(唔係防水呀!)

標準嘅UV油漆,係唔會因為長時間使用而脫落嘅。 如果長時間反覆磨擦同一個位置當然會有損壞啦,但係如果正常使用而整幅地板嘅油漆到脫落嘅話,好有可能就係油漆工藝嘅問題,例如採用嘅油漆唔合格,附着牢固性就會有問題;又或者係油漆生產線嘅紫外線燈管壞咗,起唔到固化作用,都會令到油漆經使用後容易脫落


2. 設計師或文青之選 - 木蠟油/硬質木蠟油 (Hardwax oil)

木蠟油就係一層附着性嘅保護層,乾透之後亦都有耐水抗污嘅保護作用。木蠟油最大嘅特性就係天然嘅啞光質感,有別於UV油漆低光的覆蓋性保護層,顯得更自然質樸。

由於木蠟油是附著於地板表層,反覆使用磨擦,會有磨蝕損耗,例如門口嘅位置,木蠟油就有可能薄咗或磨掉,更容易沾污;如考慮用木蠟油嘅竹地板,要注意定期維護保養。

Verdee維迪竹地板,唔同產品類型都有採用以上兩款地板保護層,有興趣可到我哋門市睇睇。

電話查詢(辦公時間)2892-0255


3 次查看0 則留言

Comentários


bottom of page